આ રીતે બનાવો લીલવાની કચોરી, બધા વખાણ કરતા નહિ થાકે

શિયાળો આવે એટલે લીલવાની કચોરી ખાવાનું મન થાય જ. તૂવર અને વટાણાની સીઝન અત્યારે બરાબર ફૂલીફાલી છે એટલે આ સીઝનમાં કચોરી ખાવાની મજા જ કંઈ ઓર છે. ક્રિસ્પી અને ગળચટ્ટી લીલવાની કચોરી એ ગુજરાતીઓના ઘરમાં શિયાળામાં બનતી ખાસ વાનગીઓમાં સ્થાન ધરાવે છે. તો આજે જાણી લો લીલવાની કચોરી બનાવવાની સૌથી આસાન રીત.

સામગ્રી

લગભગ 15-16 જેટલી લીલવાની કચોરી બનાવવા માટે તમારે નીચે મુજબની સામગ્રી જોઈશેઃ

  • 1 કપ મેંદો
  • અઢી કપ ઓગાળેલુ ઘી
  • સ્વાદાનુસાર નમક
  • 1 કપ ફ્રેશ તૂવર
  • 1 કપ લીલા વટાણા
  • 1 મોટી ચમચી તેલ
  • પા ચમચી હીંગ
  • ચપટી હીંગ
  • ચપટી હળદર
  • અડધી ચમચી આદુની પેસ્ટ
  • પા કપ ઝીણી સમારેલી કોથમીર
  • 1 મોટી ચમચી લીંબુનો રસ
  • અડધી ચમચી ખાંડ
  • સ્વાદાનુસાર નમક
  • તળવા માટે તેલ

કચોરીનો માવો તૈયાર કરવાની રીત

લીલી તુવર અને વટાણા ભેગા કરી તેને એક મિક્સરમાં અધકચરુ ક્રશ કરી નાંખો. એક પહોળા નોન સ્ટિક પેનમાં હીંગ, હળદર, આદુ અને મરચાની પેસ્ટ નાંખી તેને 30 સેકન્ડ સુધી સાંતળો. ત્યાર પછી તેમાં પીસેલા વટાણા અને તુવર નાંખવી.

આટલુ પાછળથી ઉમેરો

તુવર-વટાણાના મિક્સરને 5થી 7 મિનિટ માટે મિડિયમ ફ્લેમ પર ગરમ કરો. વચ્ચે વચ્ચે આ મિશ્રણ હલાવતા રહો. ત્યાર બાદ જ ધાણા, લીંબુનો રસ, ખાંડ અને મીઠુ ઉમેરો. માવાને મિડિયમ ફ્લેમ પર ફરી 1 મિનિટ સુધી હલાવો અને ઠંડુ પડવા દો.

લોટ બાંધવાની રીત

એક વાટકામાં મેંદો, ઓગાળેલુ ઘી અને નમક લો અને તે બરાબર મિક્સ કરી દો. પૂરતુ પાણી લઈને તેનો બહુ ઢીલો નહિ અને બહુ કડક નહિ એવો લોટ બાંધો અને તેને સાઈડમાં મૂકી દો.

કચોરી વાળવાની રીત

નાની પૂરી વણાય તેટલા લૂઆ પાડો. પૂરી વણવા માટે કોઈ અટામણનો ઉપયોગ ન કરવો. ત્યાર પછી ખોબામાં પૂરી મૂકી વચ્ચોવચ કચોરીનો માવો ભરી દો. માવો મૂક્યા પછી કચોરીના બધા છેડા ભેગા કરી કચોરી પેક કરી દો. આ રીતે એક પછી એક કચોરી વાળો.

તળવાની રીત

નોનસ્ટિક પેનમાં તેલ ગરમ કરો. બધી કચોરી તૈયાર થઈ જાય પછી તેને મિડિયમ આંચ પર ત્રણ-ચાર કચોરી એક સામટી નાંખી તળો. કચોરીને સાવ ધીમા તાપે તળાવા દેવી. તે બધી જ બાજુથી ગોલ્ડન બ્રાઉન રંગની થઈ જાય ત્યાં સુધી તેને તળવી.

Share This